"Naxçıvanpoçt" bayram günlərində göndərişlərlə bağlı müraciət edib

Hörmətli istifadəçilər,

Naxçıvan Muxtar Respublikası Rəqəmsal İnkişaf və Nəqliyyat Nazirliyinin tabeliyində olan "Naxçıvanpoçt" tərəfindən göndərişlərin vaxtında və təhlükəsiz şəkildə çatdırılması üçün bütün mümkün tədbirlər həyata keçirilir. Lakin, 31 Dekabr – Dünya Azərbaycanlılarının Həmrəyliyi Günü və Yeni il bayramı ərəfəsində bağlamaların göndərilməsi və elektron ticarət sifarişlərinin sayı nəzərəçarpacaq dərəcədə artmaqdadır. Bu səbəbdən, bəzi poçt göndərişlərinin sifariş edilən ölkədən alıcılara çatdırılmasında gecikmələr yarana bilər. Bu kimi halları nəzərə alaraq sifarişlərinizi və göndərişlərinizi əvvəlcədən planlaşdırmağınızı tövsiyə edirik.

Əməkdaşlığınıza və anlayışınıza görə öncədən təşəkkür edirik. Qarşıdan gələn bayramlarınızı təbrik edir, sizə xoş anlar arzulayırıq!

“Naxçıvanpoçt”-un iş qrafikini sizə təqdim edirik.